గ్రహాల పరిచయం

రాశుల తర్వాత గ్రహాల గురించి తెలుసుకుందాము. భారతీయ జ్యోతిష శాస్త్రం తొమ్మిది గ్రహాలని జాతక విశ్లేషణ కొరకు ఉపయోగించింది. 1. సూర్యుడు 2. చంద్రుడు 3. కుజుడు 4. బుధుడు 5. గురువు 6. శుక్రుడు 7. శని 8. రాహువు 9. కేతువు ఆధునిక జ్యోతిష్కులు మరో మూడు గ్రహాల్ని గుర్తించారు, అవి. 1. యురేనస్‌ 2. నెప్ట్యూన్‌ 3. ప్లూటో రవి సింహరాశికి అధిపతి. చంద్రుడు కర్కాటకరాశికి, బుధుడు మిథున, కన్యలకు, కుజుడు మేష, వృశ్చికాలకు, శుక్రుడు వృషభ, తులలకు, గురువు ధనుర్మీనాలకు, శని మకర, కుంభాలకు అధిపతి. రాహు,కేతువులు ఛాయాగ్రహాలవటం మూలాన వీటికి ప్రత్యేక గృహాలు లేవు. ఏ రాశిలో ఉంటే ఆ రాశ్యాధిపతి ఫలాల్ని, ఏ గ్రహంతో కలిసి ఉంటే ఆ గ్రహ ఫలాల్ని వీరు ఇస్తారు.

పరాశరుడు 27 నక్షత్రాలకు ఈ తొమ్మిది గ్రహాల్ని అధిపతులుగా చెప్తూ వాటికి సంబంధించిన దశాసంవత్సరాల్ని ఈ విధంగా కేటాయించాడు. అశ్విని, మఖ, మూలా నక్షత్రాలకు కేతువు అధిపతి. ఈ నక్షత్రాల్లో ఎవరు జన్మించినా వారి జన్మదశ కేతుమహర్దశ అవుతుంది. భరణి, పుబ్బ, పూర్వాషాఢ నక్షత్రాలకు శుక్రుడు అధిపతి. కృత్తిక, ఉత్తర, ఉత్తరాషాఢ నక్షత్రాలకు రవి అధిపతి. రోహిణి, హస్త, శ్రవణంలకు చంద్రుడు అధిపతి. మృగశిర, చిత్త, ధనిష్టా నక్షత్రాలకు కుజుడు అధిపతి. ఆరుద్ర, స్వాతి, శతభిషంలకు రాహువధిపతి. పునర్వసు, విశాఖ, పూర్వాభాద్ర నక్షత్రాలకు గురువు అధిపతి. పుష్యమి, అనురాధ, ఉత్తరాభాద్ర నక్షత్రాలకు శని అధిపతి. ఆశ్రేషా, జ్యేష్టా, రేవతి నక్షత్రాలకు బుధుడు అధిపతి. గ్రహాలకు చెప్పబడిన దశాసంవత్సరాలు రవి 6 సంవత్సరాలు చంద్రుడు 10 సంలు కుజుడు 7 సం.లు బుధుడు 17 సం.లు గురువు 16 సం.లు శుక్రుడు 20 సం.లు శని 19 సం.లు రాహువు 18 సం.లు కేతువు 7 సం.లు గ్రహాల శుభాశుభత్వములు రవి, కుజ, శని, రాహుకేతువులు, క్షీణ చంద్రుడు, పాపగ్రహాలతో కూడిన బుధుడు సహజ పాపులు. గురు, శుక్ర, బుధ, శుక్లపక్ష చంద్రులు శుభగ్రహాలు. గ్రహ మితృత్వ, శత్రుత్వాలు రవికి చంద్ర, కుజ, గురువులు - మిత్రులు, శని, శుక్రులు - శతృవులు, బుధుడు - సముడు. చంద్రునికి రవి, బుధులు - మిత్రులు, మిగిలిన గ్రహాలు సములు, శతృవులు లేరు. కుజునికి గురు, చంద్ర, రవులు - మిత్రులు, శుక్ర, శనులు - సములు, బుధుడు శత్రువు. బుధునికి శుక్ర, రవులు - మిత్రులు, కుజ, గురు, శనులు - సములు, చంద్రుడు శతృవు. గురునికి రవి, కుజ, చంద్రులు - మిత్రులు, బుధ, శుక్రులు - శత్రువులు, శని సముడు. శుక్రునికి శని, బుధులు - మిత్రులు, రవి, చంద్రులు - శత్రువులు, కుజ, గురులు - సములు. శనికి శుక్ర, బుధులు - మిత్రులు, రవి, చంద్ర, కుజులు - శత్రువులు, గురువు సముడు.

గ్రహములకు ఉచ్ఛ, నీచ, మూలత్రికోణ క్షేత్రములు

 సూర్యుడు: స్వక్షేత్రము : సింహము ఉచ్ఛ క్షేత్రము : మేషము మేషములో 10వ డిగ్రీ పరమోచ్ఛ భాగం నీచ క్షేత్రము : తుల తులలో 10వ డిగ్రీ పరమ నీచ భాగము మూలత్రికోణ క్షేత్రము : సింహము సింహములో మొదటి 20 డిగ్రీలు మూలత్రికోణము తక్కినవి స్వక్షేత్రము.

చంద్రుడు : స్వక్షేత్రము : కర్కాటకము ఉచ్ఛ క్షేత్రము : వృషభము వృషభములో 3వ డిగ్రీ పరమోచ్ఛభాగం నీచ క్షేత్రము :వృశ్చికము వృశ్చికములో 3వ డిగ్రీ పరమ నీచభాగము మూలత్రికోణ క్షేత్రము : వృషభం వృషభంలో 3 డిగ్రీల తర్వాత నుంచి మూలత్రికోణము. కుజుడు స్వక్షేత్రములు : మేషము మరియు వృశ్చికము ఉచ్ఛ క్షేత్రము : మకరము మకరములో 28వ డిగ్రీ పరమోచ్ఛభాగం నీచ క్షేత్రము : కర్కాటకము కర్కాటకములో 28వ డిగ్రీ పరమ నీచ భాగము మూలత్రికోణ క్షేత్రము : మేషము మేషములో మొదటి 18 డిగ్రీలు మూలత్రికోణము తక్కినవి స్వక్షేత్రము.

బుధుడు: స్వక్షేత్రములు : మిథునము మరియు కన్య ఉచ్ఛ క్షేత్రము : కన్య కన్యలో 15వ డిగ్రీ పరమోచ్ఛభాగం నీచ క్షేత్రము : మీనము మీనములో 15వ డిగ్రీ పరమ నీచ భాగము మూలత్రికోణ క్షేత్రము : కన్య కన్యలో మొదటి 25 డిగ్రీలు మూలత్రికోణము తక్కినవి స్వక్షేత్రము.

గురువు: స్వక్షేత్రములు : ధనుస్సు మరియు మీనము ఉచ్ఛ క్షేత్రము : కర్కాటకము కర్కాటకములో 5వ డిగ్రీ పరమోచ్ఛభాగం నీచ క్షేత్రము : మకరము మకరములో 5వ డిగ్రీ పరమ నీచ భాగము మూలత్రికోణ క్షేత్రము : ధనుస్సు ధనుస్సులో మొదటి 20 డిగ్రీలు మూలత్రికోణము తక్కినవి స్వక్షేత్రము.

శుక్రుడు: స్వక్షేత్రములు : వృషభము మరియు తుల ఉచ్ఛ క్షేత్రము : మీనము మీనములో 27వ డిగ్రీ పరమోచ్ఛభాగం నీచ క్షేత్రము : కన్య కన్యలో 27వ డిగ్రీ పరమ నీచ భాగము మూలత్రికోణ క్షేత్రము : తుల తులలో మొదటి 20 డిగ్రీలు మూలత్రికోణము తక్కినవి స్వక్షేత్రము.

శని: స్వక్షేత్రములు : మకరము మరియు కుంభము ఉచ్ఛ క్షేత్రము : తుల తులలో 20వ డిగ్రీ పరమోచ్ఛభాగం నీచ క్షేత్రము : మేషము మేషములో 20వ డిగ్రీ పరమ నీచ భాగము మూలత్రికోణ క్షేత్రము : కుంభము కుంభములో మొదటి 20 డిగ్రీలు మూలత్రికోణము తక్కినవి స్వక్షేత్రము.

రాహు, కేతువులు: రాహువుకు ధనుస్సు ఉచ్ఛ క్షేత్రము, మిథునము నీచ క్షేత్రము. కేతువుకు మిథునము ఉచ్ఛ క్షేత్రము, ధనుస్సు నీచ క్షేత్రము

గ్రహ లింగములు, జాతి ఇత్యాదులు

గ్రహ లింగములు : పురుష గ్రహములు :: రవి, కుజ, గురువులు . స్త్రీ గ్రహములు :: చంద్ర శుక్ర, రాహువులు నపుంసక గ్రహములు :: శని, బుధ, కేతువులు

గ్రహజాతులు: బ్రాహ్మణులు :: గురు, శుక్రులు క్షత్రియులు :: రవి, కుజులు వైశ్యులు :: చంద్ర, బుధులు శూద్రుడు :: శని అంత్య జాతులు :: రాహు, కేతువులు

గ్రహ గుణములు: సత్వగుణము :: రవి, చంద్ర, గురువులు రజోగుణము :: బుధ, శుక్రులు తమోగుణము :: శని, కుజ, రాహు, కేతువులు

గ్రహదిశలు: తూర్పు :: రవి ఆగ్నేయం :: శుక్రుడు దక్షిణ :: కుజుడు నైబుుతి :: రాహువు పశ్చిమం ::శని వాయువ్యం :: చంద్రుడు ఉత్తరం :: బుధుడు ఈశాన్యం :: గురు, కేతువులు ఆధిపత్యం వహిస్తారు.

గ్రహ బుుతు ఆధిపత్యము: వసంత బుుతువు :: శుక్రుడు గ్రీష్మ బుుతువు :: కుజుడు వర్ష బుుతువు :: చంద్రుడు శరదృతువు :: బుధుడు హేమంత బుుతువు :: గురువు శిశిర బుుతువు :: శని ఆధిపత్యం వహిస్తారు.

గ్రహ రుచులు: కారము :: రవి ఉప్పు :: చంద్రుడు చేదు :: కుజుడు తీపి :: గురువు వగరు :: శని షడ్రసములు :: బుధుడు పులుపు :: శుక్రుడు కారకత్వం వహిస్తారు.

చర, స్థిరాది గ్రహములు: స్థిర గ్రహము :: రవి చరగ్రహము :: చంద్రుడు ఉగ్ర గ్రహము :: కుజుడు మిశ్ర గ్రహము :: బుధుడు మృదు గ్రహము :: గురువు లఘుగ్రహము :: శుక్రుడు తీక్ష్ణగ్రహము. :: శని

గ్రహ ధాతువులు : ఎముకలు :: సూర్యుడు రక్తము :: చంద్రుడు ఎముకలలో మజ్జ :: కుజుడు చర్మము :: బుధుడు మేథస్సు :: గురువు వీర్యము :: శుక్రుడు స్నాయువు :: శని కారకత్వం వహిస్తారు.

లగ్న కారకత్వములు

జాతకాన్ని విశ్లేషించటానికి ప్రధానమైనది లగ్నం. సర్వేంద్రియానాం నయనం ప్రధానం అన్నట్లు అన్ని భావాల్లోకి లగ్నం ప్రధానమైనది. జాతకునికి సంబంధించిన ఏ అంశాన్ని అయినా లగ్నం, లగ్నాత్తు ఆయా భావాల కలయిక ఆధారంగా లెక్కించటం జరుగుతుంది. లగ్నం, ఇతర భావాలు, గ్రహస్థితులు, దశాభుక్తులు మొదలైన గణిత విభాగాన్ని మీకు ఇక్కడ అందించటం లేదు దీని కొరకు శ్రీ కె.ఎస్‌. కృష్ణమూర్తి గారి పుస్తకాలు కాని, లేక బి.వి.రామన్‌ గారి పుస్తకాలు కాని ఇతర ప్రముఖ జ్యోతిష్కుల పుస్తకాలు కాని చదవ వలసిందిగా విజ్ఞప్తి చేస్తున్నాను. ఈ పాఠాల ద్వార ప్రధానంగా జాతకవిశ్లేషణకు ప్రాధాన్యత ఇవ్వటం వలన గణిత విభాగాన్ని అందించలేక పోతున్నాను. లగ్నం : ఒక వ్యక్తి జాతకాన్ని విశ్లేషించటానికి ప్రధాన ఆధారం. లగ్నం ఒక వ్యక్తి శారీరక స్థితి ఎలా ఉంటుందో చెపుతుంది. అతని మానసిక స్థితి, ప్రవర్తన, సమాజంతో అతను వ్యవహరించే విధానం , సమాజం పట్ల అతనికున్న దృక్కోణం , అతని అరోగ్య స్థితి, అలోచనా విధానం ఇలా ఒక్కటేమిటి ఒక వ్యక్తికి సంబంధించిన అన్ని అంశాల ప్రాథమిక అవగాహన ఒక్క లగ్నం ద్వారా నిరూపితమవుతుంది. లగ్న కారకత్వాలు: పరాశరుడు లగ్నం గురించి వివరిస్తూ లగ్నం ద్వారా తెలుసుకోదగిన అంశాలను ఈ విధంగా చెప్పాడు. శ్లో।। తనుం రూపంచ జ్ఞానంచ, వర్ణం చైవ బలాబలం । ప్రకృతిం సుఖ దుఃఖంచ, తనుభావద్విచింత్యయేత్‌ ।। -బృహత్పరాశరి, భావవివేచనాధ్యాయం, 2 వ శ్లోకం. అంటే శరీరము, రూపము, వర్ణము, జ్ఞానము, బలాబలాలు, స్వభావము, సుఖదుఃఖాలు తనుభావమునుంచి తెలుసుకోవాలి. కాళిదాసు తన ఉత్తర కాలామృతములో లగ్నభావకారకత్వాల్ని మరింతనిశితముగా విశ్లేషించాడు.

శ్లో।।దేహశ్చావయవస్సుఖరాస్తే జ్ఞాన జన్మస్థలే, కీర్తిస్వప్న బలాయతీర్నృ -పనయాఖ్యాశాంతిర్వయః। కేశాకృత్యభిమాన జీవనపరద్యూతాంకమానత్వచో, నిద్రాజ్ఞాన ధనాపహార నృతిరస్కార స్వభావారుజః । వైరాగ్యప్రకృతీచ కార్యకరణం, జీవక్రియాసూద్యమః, మర్యాదప్రవినాశనంత్వితిభవేద్వర్థోపవాదస్తనోః ।।

 దేహము, కాళ్ళు, చేతులు మొదలైన అవయవములు, సుఖదుఃఖములు, ముసలితనము, జ్ఞానము, జన్మభూమి, కీర్తి, స్వప్నము, బలము, ఆకారము, తర్వాత జరిగే ఫలితాలు అంటే ఒక కార్యముయొక్క పర్యవసానము ఏ విధముగా ఉంటుందో తెలుసుకోవటము, రాజనీతి, ఆయుర్దాయము, శాంతి, వయస్సు, కేశములు, అభిమానము, జీవనము, అపర విషయములు, జూదము, చిహ్నము, పౌరుషము, చర్మము, నిద్ర, అజ్ఞానము, ధనమును దొంగలించటము, మనుష్యులను తిరస్కరించు స్వభావము, రోగము లేకపోవటము, వైరాగ్యము, ప్రకృతి, కార్యములను చేయటం, జీవకార్యములయందు ప్రయత్నించుట, మర్యాదను పోగొట్టుకొనుట, మొదలైన ఫలితాలను లగ్నము ద్వారా చూడాలి. అంతే కాకుండా ప్రాపంచిక దృష్టి, స్నేహితుల తోబుట్టువులు, శతృవులు, భాగస్వాముల భార్యలు, పనివారల మరణము, ప్రథమ సంతానము యొక్క దూరప్రయాణాలు, వారి భాగ్యము, తోబుట్టువుల స్నేహితులు మొదలైన విషయాలు ఈ లగ్నము ద్వారా తెలుసుకోవచ్చు. ఈ ప్రథమ భావానికి లగ్న, మూర్తి, అంగ, తను, ఉదయ, వపు, ఆద్య మరియు కల్పమని ఎనిమిది పేర్లు కలవు. దీని అధికారము శిరసుపై ఉంటుంది.

ద్వితీయభావ కారకత్వములు:

ద్వితీయభావము మన ఆర్థిక సంబంధ వ్యవహారాలకు కారకత్వము వహిస్తుంది. ధన సంపాదన ఏ విధముగా ఉంటుంది, బ్యాంకు నిల్వలు, ఆదాయము, డబ్బు నిలవ చేస్తారా లేక ఖర్చు చేసే స్వభావము కలవారా? అనే అంశము, జాతకుని మాట తీరు, వాక్కులో కల దోషాలు, సౌమ్యముగా మాట్లాడతారా లేక కర్కశముగానా, వాక్కులో నత్తి లాంటి దోషాలు ఏమైనా ఉంటాయా, అనే విషయాలు, అతని ఆహారపుటలవాట్లు, కుటుంబము, కుటుంబముతో అతను వ్యవహరించే విధానము, కుటుంబము అతనితో వ్యవహరించే విధానము, కుటుంబ సమస్యలు, చిన్న కుటుంబమా లేక, పెద్దకుటుంబమా? తన కష్టముతో సంపాదించే ఆస్తిపాస్తులు ఏమైనా ఉంటాయా మొదలైన విషయాలు ధన స్థానము ద్వారా తెలుసుకోవచ్చు. ధన స్థానము ద్వార తెలుసుకో గలిగే ఇతర విషయాలు క్రింద ఇవ్వబడుతున్నాయి. ధనము, వాక్కు, కుటుంబము, కుడికన్ను(స్త్రీలకు ఎడమకన్ను), బుద్ధి, విద్య, భుక్తి, కర్ణం , మంత్రము, ముఖము, బంగారము, కపటం , డబ్బు, మారకము, ఆస్తి, నాలుక, గోళ్లు, వెండి, అసత్యము, ప్రయాణము, స్నేహము, లోహములయందు ఇష్టత, సహాయము చేయుట, కృత్రిమము, అనృతము, ఆగ్రహము, రోషము, దాతృత్వము, మృదువచనము, పోషకత్వము, ధాతుబలము, శాంతము, ఆయుర్దాయము, భూసంపద, వాక్చాతుర్యము, శాస్త్రజ్ఞానము, జ్ఞాపకశక్తి, ఉద్దేశము, స్వర్ణధనము, యోగవిషయము, ధనకనక, వస్తు, వాహనాది ఆర్థిక విషయములు, వాటికి సంబంధించిన పత్రములు, బాండ్లు, లాభనష్టములు, సంపద, శిస్తువసూళ్ళు, బ్యాంకునిల్వలు, కళత్రవియోగము, రహస్యశతృవుల సోదరీ, సోదరులను, స్నేహితుల తల్లిదండ్రులను, ప్రథమ సంతానముయొక్క వృత్తి, సువర్ణ రత్నాదుల ప్రాప్తి, ఒక వ్యక్తి పొదుపరా లేక ఖర్చుచేసేవాడా అనే విషయము, కుటుంబసౌఖ్యము, వాక్కులో దోషములు మొదలైన విషయాలు ధన స్థానము వలన తెలుసుకోవచ్చు. దీని అధికారము వాక్కు మరియు కన్నులపై కలదు. ఈ ద్వితీయ స్థానానికి స్వ, కోశ, అర్థ, కుటుంబ, ధనస్థానమని ఐదు పేర్లు కలవు.

తృతీయభావము:

మన ఆలోచనా విధానము, మన కోపము, సాహసము, మన తక్షణ నిర్ణయాలు, మన ప్రయాణాలు, మన తర్వాతపుట్టినవారు, బంధుగణము, చెవులు, చేతులు, చేతలు, మన ప్రయత్నాలు, దురాలోచనలు, మనము ఇతరులతో వ్యవహరించే విధానము, మనతో ఇతరులు వ్యవహరించే విధానము, మన కమ్యూనికేషన్‌ స్కిల్స్‌ అనేవి ఈ భావముద్వారా తెలుసుకోవచ్చు. ఇతర కారకత్వములు ఈ విధముగా ఉంటాయి.కనిష్ట సోదర, సోదరీమణులు, దుశ్చింత, సాహసము, కోపము, శాంతము, కంఠము, ఉపాయము, ఇరుగుపొరుగు, క్రయవిక్రయాలు, దగ్గరిప్రయాణాలు, చెవులు, చిత్తభ్రమ, యాత్ర, స్వధర్మము, శక్తి, అహంభావము, దాసదాసీలు, యుద్ధము, బొటనవేలు, ఉపాసన, కాళ్ళు, గొంతు, పితృమరణము, భోగము, బానిసత్వము, గానవిద్య, చెవినొప్పి, కర్ణభూషణాలు, భోజనపాత్ర, దైవభక్తి, జయము, ఆయుష్షు, బÁుుణము, ప్రథమసోదరుని లేక సోదరి(అన్న లేదా అక్క) సామాన్యప్రయాణాలు,విద్య, ఉత్తర, ప్రత్యుత్తరములు, వదంతులు, కలలు, తల్లియొక్క అనారోగ్యము, సంతానముయొక్క స్నేహితులు, తండ్రియొక్క రహస్యవిరోధులు, సోదర, సోదరిల సంఖ్య, వారితో మన సంబంధ, బాంధవ్యాలు, స్వపరాక్రమము, ప్రవాసయోగము మొదలైన అంశాలు ఈ భావము ద్వారా తెలుసుకోవచ్చు.దీని అధికారము చెవులు మరియు కంఠముపై కలదు. ఈ తృతీయ భావానికి సహజ, భ్రాతృ, దుశ్చిక్యస్థానమని మూడు పేర్లు కలవు.

చతుర్థ భావము
గృహము, తల్లి, మనం అనుభవించే సుఖాలు, ప్రాథమిక విద్య, విద్యాయోగం, స్థిరాస్థులు, భూమిలోని సంపదలు, తల్లి ఆరోగ్యం, వాహన యోగం, ఇల్లు, మన సంతానం చేసే ఖర్చులు, వారి విదేశీయోగం, తండ్రికి జరిగే ఆకస్మిక ప్రమాదాలు మొదలైన అంశాలు ఈ చతుర్థభావము ద్వారా తెలుసుకోవచ్చు.

పంచమభావము:
 మనిషి బుద్ధికి సంబంధించిన విషయములు అంటే ఆలోచనలు, లలిత కళలు, పోటీ పరీక్షలు, ప్రేమ సంబంధ వ్యవహారాలు, సంతానము, పూర్వజన్మ విషయాలు మొదలైనవి ఈ భావము ద్వారా తెలుసుకోవచ్చు.ఇతర కారకత్వములు: పుత్ర, మంత్రి, ప్రతిభ, సంతానము, శక్తి, యోగము, బుద్ధి, కామము, ప్రణయము, ఆత్మ, వినోదము, అభిరుచి, పోటీపరీక్షలు, వ్యాపారము, లేఖనము, వినయము, రహస్యము, స్త్రీధనము, మంత్రిపదవి, వాయిద్యము, పాండిత్యము, మంత్రము, విద్య, మనస్సు, వివేకము, పితృవిత్తము, అన్నప్రదానము, కావ్యరచన, దూరచింత, గాంభీర్యము, ఘనత, ఉపాసన, స్నేహము, మేథాశక్తి, దైవభక్తి, పుత్రికలు, రాజ్యలాభము, ప్రేమవిషయములు, కామోద్రేకము, గర్భధారణ, జూదము,ఆస్తిక్రయవిక్రయముల యందలి లాభనష్టములు, తండ్రి ఆస్తి, 2వ సోదరుడు లేక సోదరి, నౌకరుల రహస్య విరోధులు, పూర్వపుణ్యము, సాహిత్యము, మంత్రవిద్య, ధోరణి, బుద్ధి, తర్వాతి జన్మ, యోగము, విద్యాప్రాప్తి, శాస్త్రజ్ఞానము, గ్రంథకర్తృత్వము, మంత్రతంత్రాలు తెలిసి ఉండటము, స్త్రీల గర్భధారణ సంబంధ విషయములు, సంతానముయొక్క సంఖ్య మరియు వారి శుభాశుభములు, సంతానము ద్వారా మనకు కలిగే సుఖదుఃఖాలు మొదలైనవి పంచమభావము ద్వారా తెలుసుకోవచ్చు.దీని అధికారము ఉదరము మరియు కుక్షిపైన కలదు. పంచమ భావానికి తనయ, బుద్ధి, విద్య, ఆత్మజ, పంచమ, వాక్స్థాన, మరియు తనుజ అనే 7 పేర్లు కలవు.

శతృభావము:

మనిషికి సంబంధించిన బాధలు, భయాలు, అప్పులు, రోగాలు, మొదలైన వాటికి కారకత్వము వహించేది శతృభావము. మనలోని లోపాల్ని ఎత్తి చూపి వాటిని తొలగించుకోవటము ద్వారా మన అభివృద్ధికి తోడ్పడే భావమిది.దీని కారకత్వములు ఈ విధముగా ఉంటాయి. శతృవు, రణము, బÁుుణము, రోగము, శూల, గ్రంథులు, గాయాలు, భయము, పాపము, కోపము, దుఃఖము, వ్యసనము, పీడ, ఉన్మాదము, కారాగృహము, సేవకులు, మేహవ్రణము, మేనమామ, స్ఫోటకము, అపవాదులు, ఉష్ణము, రిపు, శ్లేష్మ వ్యాధులు, ఉగ్రకర్మలు, విరోధము, కుత్సిత బుద్ధి, చోరులు, అతిసారము, సహోదరాది కలహము,రహస్యస్థలములలో వ్యాధి, అతిమూత్రము, మూలవ్యాధి, మతిభ్రమ, ఆయుధము, జలగండము, బాంధవ్యము, విరోధము, మరణబాధ, అప్పు, వ్యభిచారము, విషము, కారాగారవాసము, దుస్తులు, దేహారోగ్య సంరక్షణ, ఆహారము, వృత్తి, సేవ, నౌఖరులు, చిన్న పెంపుడుజంతువులు, పోలీసు, మిలటరీ,నౌకా విషయములు, పినతండ్రి, పినతల్లి, వ్యవసాయదారులు, కౌలుదారులు, స్నేహితులమరణము, ప్రథమ సంతానముయొక్క ధన విషయములు, భాగస్థుల విరోధము, భార్య అనారోగ్యము, శతృవులు ఉంటారా లేదా?, వారి వృద్ధి లేదా నాశనము, రోగోత్పత్తి, గాయములు, మేనమామ ద్వారా సుఖదుఃఖములు, మొదలైన విషయములు ఈ ఆరవ భావము ద్వారా తెలుసుకోవచ్చు.దీని అధికారము కటి స్థానము పైన ఉంటుంది. ఈ భావానికి రిపు, ద్వేష, వైరి, క్షత, మరియు షష్ట భావమని ఐదు పేర్లు కలవు.

సప్తమ భావము:
 మనిషి జీవితములో అతిముఖ్యమైన అంశమైన వైవాహిక జీవితమునకు, జీవిత, వ్యాపార భాగస్వామికి, వ్యాపారానికి, కామానికి, కామసుఖానికి కారకత్వము ఈ సప్తమ భావము వహిస్తుంది.దీని ఇతర కారకత్వములు ఈ విధముగా ఉంటాయి. భార్య, తత్తరపాటు, అస్తము, కామము, వాణిజ్యము, క్రయవిక్రయము, సంగ్రహము, సౌఖ్యము, వైవాహికము, భోగము, చలనాంతర ధనము, స్థానచలనము, ప్రవాసము, మార్గమధ్యమము, పేచీలు, ప్రయాణభంగము, వ్యభిచారము, దత్తపుత్రత, వైరము, వేషము, ఆకారము, మారకస్థానము,స్త్రీ వైరము, రేతస్సు, జయము, భార్యాభర్తల సౌశీల్యము, బంధువులు, పెళ్ళి, వ్యాజ్యాలు, రెండవభార్య, రాజగౌరవము, బ్రతుకుతెరువు, మరణము, బుద్ధి విరోధము, వైవాహిక విషయములు, వ్యాపార భాగస్వాములు, ఒడంబడికలు, ప్రజానీకము, కోర్టు వ్యవహారములు, శతృవులు, వ్యాపార సంబంధములు, చోరీలు, జరిమానాలు, బందిపోట్లు,విడాకులు, తప్పిపోయిన వారు, శరణార్థులు, అన్యదేశములో వ్యాపారము, పలుకుబడి, షేర్స్‌ , తెగించిచేయు వ్యాపార విషయములు(స్పెక్యులేషన్‌ ), రెండవ సంతానము, మూడవ సోదరుడు లేక సోదరి, వైద్యులు, సోదరుల సంతానము, అధికారుల మన్నన, వివాహయోగము, వివాహ సమయము, భర్త లేక భార్య వచ్చే ప్రదేశము, వారి గుణగణములు, శరీరప్రకృతి, వారివలన కలిగే సుఖదుఃఖములు, మొదలైనవి ఈ భావము ద్వారా తెలుసుకోవచ్చు.దీని అధికరము తొడలు, వాటి పై భాగముపై కలదు. ఈ సప్తమ భావానికి జామిత్ర, అస్త, స్మర, మదన, ద్యూన, మరియు కామ అని ఏడు పేర్లు కలవు.

సప్తమ భావము:

మనిషి జీవితములో అతిముఖ్యమైన అంశమైన వైవాహిక జీవితమునకు, జీవిత, వ్యాపార భాగస్వామికి, వ్యాపారానికి, కామానికి, కామసుఖానికి కారకత్వము ఈ సప్తమ భావము వహిస్తుంది.దీని ఇతర కారకత్వములు ఈ విధముగా ఉంటాయి. భార్య, తత్తరపాటు, అస్తము, కామము, వాణిజ్యము, క్రయవిక్రయము, సంగ్రహము, సౌఖ్యము, వైవాహికము, భోగము, చలనాంతర ధనము, స్థానచలనము, ప్రవాసము, మార్గమధ్యమము, పేచీలు, ప్రయాణభంగము, వ్యభిచారము, దత్తపుత్రత, వైరము, వేషము, ఆకారము, మారకస్థానము,స్త్రీ వైరము, రేతస్సు, జయము, భార్యాభర్తల సౌశీల్యము, బంధువులు, పెళ్ళి, వ్యాజ్యాలు, రెండవభార్య, రాజగౌరవము, బ్రతుకుతెరువు, మరణము, బుద్ధి విరోధము, వైవాహిక విషయములు, వ్యాపార భాగస్వాములు, ఒడంబడికలు, ప్రజానీకము, కోర్టు వ్యవహారములు, శతృవులు, వ్యాపార సంబంధములు, చోరీలు, జరిమానాలు, బందిపోట్లు,విడాకులు, తప్పిపోయిన వారు, శరణార్థులు, అన్యదేశములో వ్యాపారము, పలుకుబడి, షేర్స్‌ , తెగించిచేయు వ్యాపార విషయములు(స్పెక్యులేషన్‌ ), రెండవ సంతానము, మూడవ సోదరుడు లేక సోదరి, వైద్యులు, సోదరుల సంతానము, అధికారుల మన్నన, వివాహయోగము, వివాహ సమయము, భర్త లేక భార్య వచ్చే ప్రదేశము, వారి గుణగణములు, శరీరప్రకృతి, వారివలన కలిగే సుఖదుఃఖములు, మొదలైనవి ఈ భావము ద్వారా తెలుసుకోవచ్చు.దీని అధికరము తొడలు, వాటి పై భాగముపై కలదు. ఈ సప్తమ భావానికి జామిత్ర, అస్త, స్మర, మదన, ద్యూన, మరియు కామ అని ఏడు పేర్లు కలవు.

భాగ్యభావము:

ఈ జన్మలో మనము చేసే పనులు, మన భాగ్యము, తండ్రి, గురువు మొదలైన అంశాలను ఈ భావము తెలియజేస్తుంది. దీనికి సంబంధించిన ఇతర కారకత్వములు ఈ విధముగా ఉంటాయి. భాగ్యము, తవదీకము, సుకృతము, గురువు, పితృజ్ఞానము, దయ, భక్తి, దేవతోపాసన, చిత్రం, ఆనందం, స్వామి, భుక్తి, దానం, ధర్మం, నిగ్రహం, శుభం, చిత్తశుద్ధి, యాత్ర, ముద్రాధికారము, న్యాయశాస్త్రం, బ్రాహ్మణత్వం, తండ్రి, దర్శనము, తపస్సు, తీర్థయాత్రలు, దూరప్రయాణములు, బ్రహ్మజ్ఞానము, పితృభక్తి, ఉపాసన, వైదికము, సుఖము, దైవము, గురుభక్తి, విద్యార్జన, రాజపూజ్యత, ప్రతాపం, పితృసంబంధమైన వస్తువులు, ధర్మం, సౌభాగ్యం, సత్రాలు, చావళ్ళు, పాఠశాల, ధర్మకార్యాలు, ఉపదేశం, సిద్ధిని పొందటం, గుళ్ళు, గోపురాలు నిర్మించటం, జ్ఞానం, వనవాసం, దూరప్రయాణములు, విదేశీయానము, స్వప్నములు, భావన, ఆధ్యాత్మిక విషయములు, ఉన్నతవిద్య, మత, న్యాయ, వైద్యశాస్త్ర సంబంధమైన గ్రంథ రచన, పాఠ్యపుస్తకములు, దైవజ్ఞానము, దయాలత, తత్వజ్ఞానము, ఆత్మసంబంధమైన పోకడలు, జీవిత భాగస్వామియొక్క సోదరసోదరీమణులు, మూడవ సంతానము, తండ్రి అనారోగ్యము, స్వధర్మనిష్ఠ, సత్కర్మలు, యోగ్యస్థానములో దానధర్మాదులు, భాగ్యోదయ కాలము, భాగ్యము లభించే విధానము మొదలైన అంశములు ఈ భావము ద్వారా తెలుసుకోవచ్చు.

రాజ్యభావము:

మనము చేసే వృత్తి, వ్యాపారాలు, పనులు మొదలైన వాటికి ఈ భావము ప్రధానముగా కారకత్వము వహిస్తుంది. ఇతర కారకత్వములు: రాజ్యం, కర్మ, మానసం, వ్యాపారం, అంబరం, కార్యం, పుణ్యం, వీర్యం, సత్కర్మ, జీవనం, కీర్తి, నేర్పు, ప్రతిజ్ఞ, మంత్రసిద్ధి, నిగ్రహం, ముద్రాధికారం, విదేశీరాబడి, పితృజయాపజయం, ఉద్యోగం, అధికారం, మానము, తొడలు, గౌరవం, అలంకారము, వస్త్రములు, నిద్ర, కృషి, సన్యాసాశ్రమం, ఆగమకర్మలు, విద్యావిషయములు, అనేకపుణ్యాలు, భూలాభం, దయాగుణం, జ్ఞానమార్గం, ఇల్లు, దేవయుక్తి, సౌకర్యం, గర్భవాసం, దేశాటనం, మర్యాద, పలుకుబడి, అభివృద్ధి, యజమాని, పరిపాలనా విధాన విషయములు, అధికారవర్గము, న్యాయాధికారులు, అత్తగారు, దొంగలింపబడిన ఆస్థి, తండ్రియొక్క శతృవులు, స్నేహితుల విరోధులు, రాజాశ్రయం, రాజువలన విశేషాధికార ప్రాప్తి, వ్యాపారము వలన యశము లేదా అపయశము, పుణ్య సంవృద్ధి, పితృ సంబంధ సుఖదుఃఖాలు, తండ్రి మరణం ఇత్యాదులు ఈ భావం వలన తెలుస్తాయి.దశమభావానికి తాత, ఆజ్ఞ, మాన, కర్మ, ఆస్పద, గగన, నభ, వ్యోమ, మేషూరణ, మధ్య, వ్యాపార మరియు దశమభావమని పది పేర్లు కలవు.

లాభభావము:

మనకు లాభించే అన్ని రకముల అంశములకు ఈ భావము కారకత్వము వహిస్తుంది. ఇతర కారకత్వములు ఈ విధముగా ఉంటాయి. లాభం, డబ్బురాబడి, ఆయుర్దాయము, జయము, శుభము, లాటరీ, ఉద్యోగ వృద్ధి, సర్వలాభము, ప్రభుధనం, దైవపూజ, మిత్రలాభం, కోర్కెలు, పిక్క, మోకాలు, మామవలన లాభం, జ్యేష్ట సోదరీ, సోదరులు, ధనార్జన, స్నేహం, ఆకస్మిక నష్టద్రవ్య లాభం, యోగఫలం, బహుభార్యలు, రాజగౌరవం, భూమి వృద్ధి, వాహన సుఖం, దుఃఖనివృత్తి, వస్త్రాభరణాలు, నాటక,సంగీత వృత్తి, జ్ఞానం, రాజ విహిత అనుకూలం, సముద్రయానం, స్నేహితులు, కోరికలు, వాంఛలు, యజమానియొక్క ఆస్తి విషయములు, వారసత్వ పర్యవసానము, తండ్రి మరణము, ధన, ధాన్య పశ్వాది అన్ని వస్తువుల లాభ విషయములు మరియు కుటుంబ సౌఖ్యము మొదలైన విషయములు ఈ లాభ భావము ద్వారా తెలుసుకోవచ్చు.దీనికి లాభ, ఆయ, ఆగమ, మరియు ప్రాప్తి అనే పేర్లు కలవు.

వ్యయ భావము:

 మనము చేసే ఖర్చులకు ఈ భావము ప్రధానముగా కారకత్వము వహిస్తుంది. ఇతర కారకత్వములు ఈ విధముగా ఉంటాయి. వ్యయము, పాపస్థానము, నరకము, అపోక్లీమము, లాక్షీణము, నాశము, అంత్యము, మనోవ్యథ, బంధనం, అంగవైకల్యం, శరీర గాయాలు, ఆత్మహత్యాదోషము, శతృవులు, వామనేత్రం, ఇతర దేశాలలో మరణం, రహస్య శతృభయం, ద్రోహం, దుర్వ్యయము, దుష్కార్యము, వివాహనష్టము, అన్యదేశ గమనం, భార్యానష్టము, జైలు ప్రాప్తి, ఉద్యోగ భంగం, జారత్వం, స్వర్గలోక ప్రాప్తి, నిద్రాభంగం, భూప్రదక్షిణ, అన్యదేశాలలో వృత్తి, విషయ సుఖం, నిద్రాసుఖం, మరణదండన, భోజన సుఖం, మంత్రవిద్య, నౌకల వ్యాపారం, పుణ్యం, యాగం, అడ్డంకులు, స్వయంకృతాపరాధములు, తలంపని చిక్కులు, వియోగము, దేశబహిష్కరణ, రహస్య వేదన, దుఃఖము, రహస్య విరోధులు, అపహరణ, విషమిచ్చుట, పుచ్చుకొనుట, దొంగరవాణా, కుట్రలు, ఆసుపత్రులు, కారాగారము, దాస్యము, పెద్దమృగములు, ఈర్ష్య, భాగస్తుని అనారోగ్యము, సంతానము, ఆయుష్యాంత వరకయ్యే ఖర్చులు, జాతకుడు పొదుపరా లేక ఖర్చుపెట్టే వాడా, అది సద్వ్యయమా లేక దుర్వ్యయమా? మొదలైన విషయాలు ఈ భావము ద్వారా తెలుసుకోవచ్చు.దీని అధికారం పాదాలపై కలదు. ద్వాదశ భావానికి భాంత్య, అంతిమ, ద్వాదశ మరియు రిఃప్ప అనే పేర్లు కలవు.

భావకారకత్వములు - అంశాల వారి విభజన: లగ్నము నుంచి వ్యయము వరకు గల భావములు మానవజీవితములో వివిధ అంశములకు కారకత్వము వహిస్తాయని గత పాఠాల ద్వారా తెలుసుకున్నారు. మరింత సులభముగా అర్థము కావటానికి ప్రధాన కారకత్వములను అంశాల వారిగా తిరిగి ఒకసారి ఇస్తున్నాను. వ్యక్తిగత కారకత్వములు, శరీరాంగములు, సమాజము, ఇతరములు అనే విభాగాలుగా ఈ కారకత్వములను అందించటం జరుగుతున్నది.

1. లగ్నం: కేంద్రము మరియు కోణము వ్యక్తిగత కారకత్వములు: వ్యక్తియొక్క సంపూర్ణ స్వరూపము, వ్యక్తిగతము, వ్యక్తిత్వము, మనస్తత్వము, అంతరంగము, తెలివితేటలు, మనస్థైర్యం, ప్రవర్తన, గౌరవము, కీర్తిప్రతిష్టలు, జీవితములో ఉన్నతస్థానానికి ఎదగాలనే బలమైన కోరిక. శరీరము: బాల్యావస్థ, చిన్నతనము నాటి విషయాలు, పుట్టిన సమయములోని స్థితిగతులు, శరీరము, శరీరతత్వము, రోగనిరోధక శక్తి, తల, మెదడు, వెంట్రుకలు, చర్మము, వర్ణము సమాజము : ప్రస్తుత సమాజము, ప్రస్తుత పరిస్థితులు. ఇతరములు: జన్మస్థలము.

2. ధనస్థానము: మారకస్థానము. వ్యక్తిగతం: భాష, తెలిసిన భాషలు, భావవ్యక్తీకరణ, నిజాయితీ కలిగి ఉండటం, ముందుచూపు, తనవారికి సహాయం చేయడానికి ముందుండటం శరీరము: ముఖము, కన్నులు(ముఖ్యముగా కుడికన్ను), ముక్కు, నోరు, నాలుక, దంతములు. సమాజము: కుటుంబము, కుటుంబసభ్యులు మరియు వారి మంచి,చెడు, జీవితభాగస్వామి, (ముఖ్యముగా విడాకులు లేదా మొదటి భాగస్వామి మరణానంతరం వచ్చే రెండవ జీవితభాగస్వామి.) ఇతరములు: ఆర్థిక వ్యవహారములు, ధనము, చరాస్థులు, విలువైన వస్తువులు, డబ్బు, సంపద, ఆదాయము, దగ్గరి భవిష్యత్తు.

3. భ్రాతృభావము: ఉపచయ స్థానము. వ్యక్తిగతము: సత్తువ, భోళాతనం, అమాయకత్వము, నాయకత్వ లక్షణము, ఆలోచన, స్వప్రయత్నం, స్వశక్తి, సేవ, సమాచారము, ఆధ్యాత్మిక అంశాల ప్రేరణ. శరీరము: చెవులు(ముఖ్యముగా కుడిచెవి), మెడ, గొంతు, మాట, థైరాయిడ్‌ గ్రంథి, భుజములు, కాలర్‌ బోన్‌ , ఊపిరితిత్తులు, భుజములు, చేతులు, శారీరక బలము మరియు స్వస్థత. సమాజము: తోడబుట్టిన వారు(ముఖ్యముగా మనకంటే చిన్నవారు), చుట్టుపక్కల వారు, సేవకులు, తోటి ఉద్యోగస్థులు, తోటివారు. ఇతరములు: ప్రయాణాలు(ముఖ్యముగా దగ్గరి ప్రయాణములు), ఉత్తర ప్రత్యుత్తరములు మొదలైన కమ్యూనికేషన్లు.

4.మాతృభావము: కేంద్రము. వ్యక్తిగత కారకత్వములు: ఆలోచనావిధానం, అంతర్గత జీవితం, కారణం, ఆనందము, రహస్యజీవితం, బయటకు కనబడని వ్యక్తిత్వం శరీరము: హృదయము, ఊపిరితిత్తులు, ఛాతి, పక్కటెముకలు సమాజము: తల్లి, మాతృసంబంధీకులు, రక్తసంబంధీకులు, కుటుంబసభ్యులు, స్నేహితులు, తనలాగ ఆలోచించేవారు, తనవంటి మనస్తత్వం కలవారు, సమర్థించువారు, సహాయకులు, సంబంధాలు, సేవాసంస్థలు, ఆర్గనైజేషన్స్‌, విద్యాసంస్థలు మొదలైనవి. ఇతరములు: స్థిరాస్థులు, ఇల్లు, భూమి, వంట ఇల్లు, స్వదేశము, సౌకర్యాలు, వాహనాలు, గనులు, ఖనిజాలు, నిధినిక్షేపాలు, వ్యవసాయ భూములు, నీటిసరఫరా మొదలైనవి.

5. పుత్రభావము: కోణము. వ్యక్తిగత కారకములు: తెలివితేటలు మరియు మానసిక శక్తి సామర్థ్యాలు, సామర్థ్యము, శిక్షణ, విద్య, ముందుచూపు, విజయం, నిర్వహణా సామర్థ్యం, సునిశిత జ్ఞానము, విశ్లేషణా శక్తి. శారీరక కారకత్వములు: పైకడుపు, పొట్ట, కాలేయం, గాల్‌ బ్లాడర్‌ , స్ప్లీన్‌ సమాజము: సంతానము, ప్రేమికుడు/ప్రేమికురాలు, శిక్షణలో ఉన్నవారు, విద్యార్థులు, శిష్యులు. ఇతరములు: సామాజిక జీవితం, మంత్రములు, వేద సంబంధమైనవి, ఆశీర్వాదము, యంత్రములు, తాయెత్తులు మొ. భవిష్యత్తు,

6. షష్టభావము: దుస్థానము మరియు ఉపచయ స్థానము. వ్యక్తిగతం: బలహీనతలు, చెడుపనులు, మానసిక సమస్యలు మరియు శారీరక సమస్య దుఃఖము, బాధలు మరియు సందేహములు మొదలగునవి. శరీర సంబంధ కారకత్వములు: అనారోగ్యము మరియు గాయములు, ప్రేగులు, కిడ్నీలు, జీర్ణకోశము, అల్సర్లు, క్రమబద్ధము లేని భోజనము సమాజము: శతృవులు, ప్రత్యర్థులు, పోటీదారులు, దొంగలు. ఇతరములు: అడ్డంకులు, కష్టములు, న్యాయవివాదములు, తప్పుగా అర్థం చేసుకోవటం, దురదృష్టము, పోట్లాట, దొంగతనము, విషము.

సప్తమభావము: కేంద్రము, మారక స్థానము. వ్యక్తిగత కారకత్వములు: కోరికలు, అంతర్గత ఆనందములు, ఇతరులతో సంబంధ, బాంధవ్యాలు, స్వేచ్ఛాజీవితం పై ఇచ్ఛ, నిజాయితీ, ఇతరులపై గెలుపు, శరీరసంబంధ కారకత్వములు: జననేంద్రియాలు, బ్లాడర్‌ , ప్రొస్టేటు గ్రంథి, సంతానసంబంధము, కామము సమాజ సంబంధ కారకత్వములు: జీవితభాగస్వామి, వ్యాపారభాగస్వామి ఇతరములు: ప్రయాణములు, ప్రవాసము, వ్యాపారము.

అష్టమభావము: రంధ్రము(బలహీనతలు), దుస్థానము. వ్యక్తిగత కారకత్వములు: బలహీనతలు, భయము, తప్పు, ఓటమి, ఆకస్మికపతనం, పూర్వజన్మ కర్మకారణముగా ఈ జన్మలో కలిగే బాధలు, దురదృష్టము, పరిశోధన, మంత్ర, తంత్రాది విద్యలపై ఆసక్తి, భూత, భవిష్యత్‌ జ్ఞానము శరీరసంబంధకారకత్వములు: ఆయువు, బలహీనత, వ్యాధులు, ప్రమాదములు, ఆకస్మిక మరణము, బహిర్జననేంద్రియాలు సమాజసంబంధ కారకత్వములు: శతృవులు, యుద్ధము ఇతరములు: వీలునామా, వారసత్వపు ఆస్తి, అతీంద్రియ జ్ఞానము, రహస్య విద్యలు

లాభభావము: ఉపచయ స్థానము. వ్యక్తిగత కారకత్వములు: కోరికలు తీరటం, ఆనందించటం, వస్తుసేకరణ, లాభము, ఆదాయము, సేవ, కోరిక శరీర సంబంధ కారకత్వములు: కుడికాలు, ఎడమచెవి సమాజసంబంధ కారకత్వములు: తనకంటే పెద్దవారు, మిత్రులు ఇతరములు: అన్నిరకముల లాభములు

వ్యయభావము: దుస్థానము. వ్యక్తిగత కారకత్వములు: ఖర్చులు, ఖరీదు, వ్యయము, పడిపోవటం, నొప్పి, నష్టము, నష్టపరిహారము చెల్లించటము, దూరప్రాంతాలకు వెళ్ళటం, దానధర్మాలకొరకు డబ్బు ఖర్చు చేయటం, త్యాగము, పునర్జన్మ, రహస్యము శరీరసంబంధ కారకత్వములు: పాదములు, ఎడమకన్ను, నిద్రాభంగం, జీవిత చరమాంకం ఇతరములు: ఆసుపత్రిలో లేదా జైలులో ఉండటం, సన్యాసము, దాక్కొనే ప్రదేశం, విదేశములు, దూరప్రాంతములు

గ్రహ కారకత్వములు

రవి: తండ్రి, ఆత్మ, ఇతరులకు అపకారం కోరని మనస్తత్వం, శక్తి, పితృచింత, ఆత్మాభిమానం, శివోపాసన, ధైర్యం, బుద్ధి, ఆరోగ్యం, పిత్తము, కార్యనిర్వహణాశక్తి, బుద్ధిబలం, దుర్వ్యయము, యజ్ఞము, దినబలము, సౌమ్యత, రాగి, దేవాలయము, గిరిగమనం, కీర్తి, అధికారం, ఎముక, స్వల్పకేశము, శిరోవ్యాధి, ప్రవర్తన, క్షత్రియ, పాషాణము, భూషణము, వ్యవహారము, లావునడుము, రక్తవర్ణము, రాజసము, రోషము, కారము, పొట్టి, తూర్పుదిశ, జ్ఞానోదయము, ప్రవాళము, రాజ్యము, స్వస్థల స్వాధికారలాభము, పరాక్రమమునకు ఘనత, జనవిరోధం, శతృభయం, యుద్ధం, ఉద్యోగం, వైద్యం, సౌఖ్యం, భార్యాబిడ్డల హాని, పితృభృత్యాది విరోధం, ఆత్మజ్ఞానం, వీపుపై భాగం, పక్కలు, హృదయము, స్త్రీల యందు ఎడమకన్ను, పురుషులయందు కుడికన్ను పై ప్రభావం, ఆరోగ్యము, ప్రాణధాతువులు, గౌరవమైన పదవులు, బిరుదులు, అభివృద్ధి, రాజకీయములు, పరిపాలనాధికారులు మొదలైనవి రవి కారకత్వములు.

 చంద్రుడు: తల్లి, మనస్సు, ప్రసాదగుణం, మాతృచింత, పుష్పములు, సుగంధం, రూపం, సుఖభోజనం, సముద్రస్నానం, వెండి, తీపి, పాలు, వస్త్రం, నీరు, ముత్యం, ఆవులు, కంచు, పండ్లు, అపస్మారకం, గుల్మము, యశస్స్సు, పట్టువస్త్రం, బావి, వీర్యపుష్టి, జలసౌఖ్యం, శ్లేష్మము, బలము, పంట, యాత్ర, అశ్వసంచారం, దుర్గగమనం, శీతజ్వరం, సమదృష్టి, స్నానశాల, సత్యం, తటాకము, మణి, వైశ్యులు, చెరుకు, నడివయస్సు, లగ్నం, పరిహాసం, గౌరీభక్తి, దూరదేశగమనం, పడమరదిశ, వ్యాధి, కూపము, వాతము, మధువు, స్థూలము, క్షయ, స్త్రీ, ద్విజ, సౌఖ్యం, నెత్తురు, నిద్ర, ముఖము, ఉదరం, బాహువులు, వ్యవసాయం, వైద్యం, వ్యాపారం, నీటిసంబంధమైన పని, బుద్ధి, సౌందర్యము, సత్యము, రంజితము, మనసు, దాని స్వభావము, మనశ్శక్తి, ఉదరము, స్తనములు, పురుషులయందు ఎడమకన్ను, స్త్రీలలో కుడికన్ను మొదలైనవి చంద్రుని సంబంధ కారకత్వములు.

కుజుడు: కనిష్టసోదరీ సోదరులు, సేవకాగుణం, భూమి, ప్రాకారం, రోగము, వ్రణము, సాహసం, శస్త్రములు, అగ్ని, స్పోటకము,సందర్శనము, ఉత్పాటనము, రక్తవస్త్రప్రియుడు, కాలినవస్త్రం, బÁుుణము, ఉద్యానవనము, బలము, వనచరుడు, స్వర్గకారకుడు, పిత్తము, రాగి, పొట్టి, శౌర్యము, దొంగ, యుద్ధప్రియత్వము, విరోధము, రాజు, వాక్కు, కటినాధిపత్యం, సీసం, విదేశగమనం, దక్షిణదిశ, తర్కశాస్త్రం, శస్త్రవిద్య, శతృవృద్ధి, స్పోటకము, మూర్ఖత్వము, ఆయుధధారణ, వాగ్వాదం, మూత్రకుచ్ఛము, గణితం, కటినమైన శిక్షలు విధించు ఉద్యోగం, మిల్లులు, పోలీసు, మిలటరీ, విద్యుత్తు, వ్యవసాయం, ధైర్యము, శౌర్యము, ఆత్మగౌరవము, మూత్రాశయము, కండలు, తల, ముఖము, మజ్జ, ఎడమచెవి, లింగము, రసవీంద్రియములమీద ప్రభావము, మొదలైనవాటికి కుజుడు కారకత్వము వహిస్తాడు.

బుధుడు: ప్రజ్ఞ, కర్మ, విజ్ఞానం, గణితం, కావ్యము, శిల్పము, జ్యోతిషము, విద్య, మేనమామ, చింత, బుద్ధి, సుందరస్వరూపం, శాంతం, గృహప్రవేశం, వ్యాపారం, వ్యవహారం, వేదాంతవిచారణ, సేవకులు, నాభి, గుహ్యం, విష్ణు ఉపాసన, వ్యాకరణం, నామకరణం, మైథునం, విష్ణుభక్తి, వైద్యము, యుక్తి, భుక్తి, దాసదాసీజన వృద్ధి, పరిహాసము, జ్ఞాతులు, తంత్రము, నపుంసకుడు, పాదచారి, అడ్డచూపు, యువరాజు, పికిలిన వస్త్రం, రజోగుణం, సునేత్రం, ఆకుపచ్చ, రచన, మేడలు, వినయం, రత్నశోధన, శూద్రజాతి, యాత్ర, సమదృష్టి, భయం, భూమి, స్థిరము, వాక్కు, హాస్యము, వాయవ్య దిశ, వేదాంతం, గుమాస్తా, పుస్తకములు వ్రాయుట, అమ్ముట, తీర్పుచెప్పుట, నాటకములు, సినిమాలు, వ్యాపారము, పుత్ర సుఖదుఃఖము, మాతులసుఖం, గణితం, వేదాంతం, శిల్పశాస్త్రం, వక్తృత్వం, శరీరంలోని నాడులు, నరముల మీద ప్రభావం, ప్రేగులు, ముంజేయి, నోరు, నాలుక, దృష్టి, భావము, ఇంద్రియజ్ఞానము, ఊహ, భాషాంతరీకరణము, శైలి, అలవాటు వలన విద్యనభ్యసించటం, అనుకరణ మొదలైనవి బుధకారకత్వములు.

గురువు: ధనము, విద్య, పుత్రులు, జ్యేష్టభ్రాత, దేహపుష్టి, బుద్ధి, అర్థసంపద, యజ్ఞము, కీర్తి, గృహము, బంగారము, శస్త్రము, అశ్వము, మెదడు, జ్యోతిషము, వేదశాస్త్రము, శబ్దశాస్త్రము, వాహనసౌఖ్యం, ఆందోళికము, గజము, యజ్ఞయాగాది క్రతువులు, కర్మ, ఆచారము, ఛాందసము, సుజనత్వము, శాంతము, మంత్రిత్వము, ఐశ్వర్యము, బంధువృద్ధి, దయ, దాక్షిణ్యము, ధర్మము, దైవభక్తి, వస్త్రము, సత్యము, తర్కము, మీమాంస, సింహాసనము, వాగ్ధోరణి, పసుపురంగు, నృపసన్మానం, ధర్మం, వెండి, బ్రాహ్మణులు, జ్ఞానము, కోశాగారం, నవీనగృహం, బంధుసమూహం, సుబుద్ధి, ఉత్తరదిశ, కావ్యజ్ఞానము, నిక్షేపము, వైడూర్యము, ఊరువులు, అగ్నిమాంద్యము, దంతములు, వేదవేదాంతజ్ఞానము, బ్రాహ్మణభక్తి, శ్రద్ధ, పాండిత్యం, బ్రాహ్మణవృత్తి, ఉపాధ్యాయవృత్తి, ముద్రాధికారం, భ్రాతృసుఖం, సంపత్తి, బహువిధ విద్వత్తు, వ్యాకరణం, రక్తము, పిత్తాశయము, రక్తనాళములు, ఉన్నతవిద్యలపై అధికారము, వాణిజ్యవిషయములు, ధనవిషయములు మొదలైనవి గురుని కారకత్వములు.

శుక్రుడు: వివాహం, భార్య, భాగ్యం, భోగం, వాహనం, కామసుఖం, సంగీతం, విద్యాది రహస్యం, నృత్యం, సంగీతం, లలితకళలు, సరససల్లాపము, శిల్పం, జ్యోతిషం, కవిత్వం, స్త్రీ సౌఖ్యం, ఆభరణం, మణిమాణిక్యాది కారకుడు, నాటకాలంకార సాహిత్యాదులు, వ్యభిచారం, నృత్తము, ఆభరణం, ఐశ్వర్యం, ముద్రాధికారం, హాస్యం, రహస్యమోహము, వేశ్యాసంభోగం, సౌమ్యం, సౌందర్యం, శ్వేతవర్ణం, సునేత్రం, ఖండశరీరం, పొట్టి, గర్వం, దృడత్వం, ఆజ్ఞ, శుక్లం, శయనాగారం, మంత్రం, ఆగ్నేయదిశ, మధ్యవయస్సు, రాజముద్ర, సత్యవచనం, యజుర్వేదము, భరతశాస్త్రం, శ్వేతఛత్రం, వింజామరలు, ఐశ్వర్యము, సింహాసనము, సుగంధము, హేమము, రాజు, రతి, స్త్రీసుఖం, గానం, కాంతి, కళాకౌశలం, స్పర్ష, గొంతు, మూత్రపిండములు, అండకోశము, అంతఃకరణముమీద ప్రభావం, భూతదయ, ఉన్నతమైన మేధాశక్తి, సంగీతము, నాట్యము, నాటకశాలలు, పద్యకవిత్వము, చిత్రలేఖనము మొదలైన వాటికి శుక్రుడు కారకత్వం వహిస్తాడు.

శని: ఆయువు, జీవనోపాయం, మరణం, సేవకులు, జైలు, బంధనం, ప్రవాసం, నీచవిద్య, నీచదేవతోపాసన, దుఃఖము, అధర్మం, స్ఫోటకం, కురూపం, శాంతము, అనాచారం, నల్లధాన్యములు, మహిషము, పితృకారకత్వం, దుష్ప్రవర్తన, కోపము, పాపము, నరకము, నీచజీవనము, హూణవిద్య, కృషిజీవనం, శూద్రప్రియుడు, క్రిందిచూపు, అజీర్ణము, అసత్యం, అన్యకుల విద్య, కఠినము, ఔదార్యం, కఠినరోమములు, పౌరుషహీనం, మలినవస్త్రం, నీలమణి, ఇనుము, వాయువు, భూపరాగం, తిల, తైలములు, దాస్యము, విరోధం, దుఃఖం, మరణం, నపుంసకత్వం, ప్రతిబంధనం, ఈశాన్యదిశ, అడవుల సంచారం, పౌరుషం, వాతము, వాద్యధ్వని, దుస్సహాసము, కార్యభంగము, కిరాతత్వము, వ్యసనము, జ్యేష్టసోదరుడు, నౌఖరుల సుఖదుఃఖాలు, ఘాతుక స్వభావం, దారిద్య్రం, కారాగృహవాసం, కుడిచెవి, శ్రవణశక్తి, ఎముకలు, పలువరుస, మోకాలు, ప్లీహము మొదలైనవి శని కారకత్వములు.

రాహువు: మాతామహులు, మాతామహ సంబంధములు, ఛత్రం, హూణవిద్య, తటాకములు, ఆరామములు, సీసము, సన్మానము, యవ్వనం, బొమికెలు, పాపస్త్రీవలన లాభము, వ్యయము, వ్యవసాయము, వ్యాపారము, వ్యతిరిక్తత, వైధవ్యం, వృక్షపతనము, శిలలు, బలాత్కారము, సంకోచము, ఉద్యోగము, వివాహము, యుద్ధము, బొగ్గు, ధూమపానము, పొగాకు, ఛామరం, పితృచింత, విషవైద్యము, క్షుద్రమంత్రాలు, నీచజీవనము, ద్యూతం, పశుసాంగత్యం, అపసవ్యలిపి, హృద్రోగం, గారడి, లాటరీలు, కుతర్కం, పాపస్త్రీ, పాము, రాత్రి, ఏకఛత్రాధిపత్యం, నైబÁుుతిదిశ, రాజ్యము, జూదగుణం, స్వదేశ, విదేశగమనం, నీచాశ్రయం, శ్వాస, ప్రేతత్వము, కర్మ, విసనకర్ర, వైద్యశాస్త్రం, రత్నపరీక్ష మొదలైనవి రాహుకారకత్వములుగా చెప్పబడ్డాయి.

కేతువు: పితామహచింత, మట్టిపాత్రలు, మోక్షము, ఆలస్యం, నిద్ర, ముక్కు, స్వప్నము, జాగ్రదవస్థ, ప్రవాసము, ఉదరము, నేత్రసంబంధము, మూఢభక్తి, మంత్రతంత్రములు, చిత్రలిపి, క్రూరకృత్యములు, యోగాభ్యాసము, పింగాణి, బహుదాతృత్వము, వేదాంతవిచారణ, దైవభక్తి, వైరాగ్యము, జ్ఞానము, అన్యభాషాప్రవేశం, కిరాతకం, పాషాణం, వ్రణం, అల్పాహారము, శతృబాధ, జడత్వం, కపలత్వం, వైద్యము, కృత్రిమమణులు, కృత్రిమ వస్తువులు, స్ఫోటకము, తారు, విషాదము, గంగాస్నానము, భోగభాగ్యములు, మూఢభక్తి, లోభత్వం, అన్యభాష, మిత్రభేదము, శైవదీక్ష, మతము, మతఛాందసము, దంభము, నటనము, భిక్షాటన, కీర్తి, కపాలము, స్నేహము, బ్రహ్మవిద్య, పితామహాది సంబంధ లాభములు మొదలైనవి కేతు కారకత్వములు.